Imaxe: CPA Condado Salvaterra 

Esta fin de semana celebrouse o Campionato de Show Galego en Vigo e Tui, organizado polo Club Patinaxe Balaídos, onde acudiron multitude de equipos da comunidade galega para exhibir as súas actuacións artísticas.

O CPA Condado Salvaterra participou o pasado 3 de marzo na categoría de grupos show grandes, onde o grupo da provincia pontevedresa conquistou o ouro autonómico pola súa orixinal actuación "Tonya". Na segunda e terceira posición quedaron o C.P.A. Ribex con "Carpe Diem" e o C.P.A. Valladares con "Insurrección".

Así mesmo, o Club Patinaxe Artística Gondomar tamén destacou neste campionato galego tras lograr subirse ao podio en tres ocasións na primeira posición: no cuarteto junior, cuarteto senior e grupos show junior. Agora as patinadoras concéntranse para o Campionato de España que se celebrará a finais de marzo en Santander.